Son yeniləmə: 12 Aprel 2022 12:44
Bayraqdar.info – Diasporla İş üzrə Dövlət Komitəsinin və İctimai Televiziyanın ortaq layihəsi olan “Vətən uzaqda deyil” proqramının növbəti buraxılışı Yunanıstanın Saloniki şəhərində yerləşən Azərbaycan Evindən hazırlanıb.
Bu barədə bayraqdar.info-ya DİDK-dən məlumat verilib.
Bildirilib ki, Azərbaycan Evi Rəşid Məmmədovun rəhbərlik etdiyi “Qala” Yunanıstan-Azərbaycan Dostluq Cəmiyyətinin nəzdində fəaliyyət göstəririr. Burada Salonikidə və ətraf şəhərlərdə yaşayan həmvətənlərimiz, eləcə də dost xalqların nümayəndələri tez-tez bir araya gəlirlər. Onlar Azərbaycanın milli bayramlarını,əlamətdar günləri birlikdə qeyd edir, Azərbaycan mədəniyyətini, tarixini və adət-ənənələrini təbliğ edir, ölkəmizlə bağlıxoş xatirələrini bölüşürlər.
Qeyd edək ki, Saloniki Türkiyə Cümhuriyyətinin qurucusu Mustafa Kamal Atatürkün doğulduğu şəhərdir.
