Son yeniləmə: 8 Aprel 2022 10:22
Bayraqdar.info – Martın 13-də dövlət qulluğuna qəbul üzrə keçirilən test imtahanından (A növü) müvəffəqiyyətlə keçən namizədlərin sertifikatlarının verilməsinə başlanılıb.
Bu barədə bayraqdar.info-ya Dövlət İmtahan Mərkəzindən (DİM) məlumat verilib.
Bildirilib ki, DİM tərəfindən keçirilən test imtahanında uğur qazanmış namizədlər sertifikatlarını əldə etmək üçün Mərkəzin Akademik Həsən Əliyev küçəsi, 299 ünvanında yerləşən inzibati binasına və ya DİM-in Naxçıvan, Gəncə, Şəki, Lənkəran, Göyçay, Şəmkir, Şirvan, Bərdə və Xaçmaz Regional Bölmələrinə müraciət edə bilərlər.
