Son yeniləmə: 5 Aprel 2022 17:16
Bayraqdar.info – Sumqayıt Kimya Sənaye Parkının rezidenti “Archi Glass” MMC-də yeni istehsal xətti yaradılıb. Quraşdırılan avadanlıq iki və üçkameralı, həmçinin skylight paket şüşələrin istehsalında istifadə olunur.
Bu barədə bayraqdar.info-ya İqtisadiyyat Nazirliyindən məlumat verilib.
Qeyd edilib ki, “Archi Glass” MMC 2018-ci ildə Sumqayıt Kimya Sənaye Parkının rezidenti kimi qeydiyyata alınıb: “Parkın ərazisində İtaliya, Çin və Türkiyə texnologiyası əsasında şüşə məmulatların istehsalını həyata keçirir. İllik istehsal gücü 250-280 min m² şüşə olan müəssisədə 5 növdə və müxtəlif rənglərdə 1000 çeşiddən çox məhsul emal edilir. İstehsal olunan məhsullar daxili bazarın təlabatının ödənilməsinə yönəldilib”.
Bildirilib ki, investisiya dəyəri 5,4 milyon manat olan müəssisədə 50-dən çox işçi çalışır. “Archi Glass” MMC-nin məhsulları işğaldan azad olunmuş ərazilərimizdə həyata keçirilən yenidənqurma işlərində istifadə edilir.
