Bayraqdar.info – Türkiyə Prezidenti Azərbaycan və Türkiyə arasında peşə təhsili üzrə əməkdaşlığa dair Protokolu təsdiqləyib. Bu barədə Təhsil Nazirlyindən bayraqdar.info-ya aprelin 1-də bildirilib.
“Türkiyə Prezidenti Recep Tayyip Erdoğan “Azərbaycan Respublikası Hökuməti ilə Türkiyə Respublikası Hökuməti arasında peşə təhsili sahəsində əməkdaşlığa dair Protokol”u təsdiqləyib.
“Sözügedən protokol 19 fevral 2021-ci il tarixində təhsil naziri Emin Əmrullayev və Türkiyə milli təhsil naziri Ziya Selçuk tərəfindən imzalanıb.
“Protokol iki ölkə arasında peşə təhsili sahəsində əməkdaşlığın genişləndirilməsini və müvafiq istiqamət üzrə Türkiyə təcrübəsinin öyrənilməsini özündə ehtiva edir. Həmçinin bu Protokol çərçivəsində Azərbaycanda Türkiyə ilə birgə 2 yeni peşə təhsili müəssisəsinin yaradılması nəzərdə tutulur”, – deyə məlumatda bildirilir.
