Bayraqdar.info – Göygöl Milli Parkı ətraf mühitin mühafizəsi, nəsli kəsilməkdə olan nadir flora və fauna növlərinin qorunub saxlanılması və ekoturizmin inkişaf etdirilməsi məqsədilə Prezidentin 2008-ci il 1 aprel tarixli Sərəncamı ilə yaradılıb.
Parkın landşaftı dağ-meşə, dağ-bozqır, subalp və alp dağ-çəmənlikdən ibarətdir.
Parkın ərazisində qarmaqvari şam, palıd, fıstıq, cökə, vələs, qarağac, qoz, fındıq, cır alma, cır armud, alça, yemişan, əzgil, şabalıd, qaraçöhrə, ardıc, itburnu, zirinc, qarağat, moruq, dağ çiyələyi, böyürtkən və s. bitkilərə rast gəlinir.
Rast gəlinən heyvan növləri: qonur ayı, canavar, çaqqal, tülkü, porsuq, vaşaq, çöl pişiyi, sincab, dələ, oxlu kirpi, Qafqaz maralı, cüyür, bezoar keçisi, qaban, qartal, şahin, sar, yaşılbaş ördək, su sonası, dağ kəkliyi, tetra, çay balığı, qızılxallı balıqdır.
Milli Parkın ərazisində “Qırmızı Kitab”a daxil olan növlərə də rast gəlinir. Bunlar: Bezoar keçisi, nəcib maral, qonur ayı, vaşaq, Xəzər uları, Qafqaz tetrası, cırtdan qartalça, kütyarpaq püstə, Kox şamı, Qafqaz səhləbi, fırfır səhləb, paradoksal süsən, kiçik süsən və digər heyvanlardır.
Qeyd: Yazı Ekologiya və Təbii Sərvətlər Nazirliyinin məlumatı əsasında hazırlanıb.
