Bayraqdar.info – Macarıstanda təşkil edilən Avropa çempionatında bu gün Azərbaycanın qadın güləşçisi Elis Manolova mübarizəyə qatılacaq.
Azərbaycan Güləş Federasiyasından bayraqdar.info-ya verilən xəbərdə deyilir ki, Azərbaycan təmsilçisi 65 kiloqram çəki dərəcəsində B qrupunda gücünü sınayacaq. O, ilk görüşündə Tetyana Rijko (Ukrayna), daha sonra Viktoriya Vesso (Estoniya) ilə qarşılaşacaq. A və B qruplarında ilk iki yeri tutan güləşçilər yarımfinala vəsiqə qazanacaqlar.
“E.Manolova ilə yanaşı, qadın güləşçilərdən Türkan Nəsirova (50 kq) və Alyona Kolesnik (59 kq) bürünc medal uğrunda mübarizə aparacaqlar. Onlar, müvafiq olaraq Polşa təmsilçisi Anna Lukasyak və Elene Hayke Brugger (Almaniya) ilə güclərini sınayacaqlar.
“Qeyd edək ki, bundan əvvəl sərbəst güləşçilər Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq), Əşrəf Aşırov (79 kq), Abubakr Abakarov (86 kq) gümüş, Turan Bayramov (74 kq) və Osman Nurməhəmmədov (92 kq) bürünc medala sahib olublar. Yığma komanda ümumi hesabda qalib adını qazanaraq Avropa çempionu olub”, – deyə xəbərdə qeyd edilir.
