Son yeniləmə: 30 Mart 2022 18:21
Bayraqdar.info – Mədəniyyət Nazirliyinin təşkilatçılığı ilə Beynəlxalq Teatr Günü münasibətilə həyata keçirilən “Teatrda bir gün” layihəsi çərçivəsində Dövlət “Yuğ” Teatrında H.İbsenin əsəri əsasında hazırlanmış “Vəsvəsə” tamaşası nümayiş olunub.
Teatrdan bayraqdar.info-ya bildirilib ki, tamaşanın nümayişindən əvvəl teatrın direktoru Əməkdar mədəniyyət işçisi İslam Həsənov tamaşaçıları salamlayıb və Mədəniyyət Nazirliyinin “Teatrda bir gün” layihəsi haqqında məlumat verib.
“Teatrın ədəbi hissə müdiri, sənətşünaslıq üzrə fəlsəfə doktoru Elçin Cəfərov və rejissor Gümrah Ömər çıxış edərək sənət ocağının tarixi inkişaf yolu, poetikası haqqında danışıblar.
“Sonra “Vəsvəsə” tamaşası nümayiş olunub.
“Qeyd edək ki, tamaşasının quruluşçu rejissoru Gümrah Ömər, quruluşçu rəssamı, Əməkdar rəssam Rəşid Şərif, geyim üzrə rəssamı Elnarə Bəkirova, musiqi tərtibatçısı Səbinə Süleymanova, rejissor assistenti Səidə Süleymanovadır.
“Tamaşada rolları Amid Qasımov (Keşiş Manders), Mətanət Abbaslı (Frü Alvinq), Vüqar Hacıyev, (Enqstrand), Elgün Həmidov (Osvald) və Ləman Mərrih (Regina) canlandırıblar”, – deyə xəbərdə qeyd edilib.
