Son yeniləmə: 30 Mart 2022 10:23
Bayraqdar.info – Xəbər verdiyimiz kimi Türkiyə Cümhurbaşqanı Recep Tayyip Erdoğan Özbəkistana səfər edib.
Səfər çərçivəsində Özbəkistan Prezidenti Şavkat Mirziyoyev və Türkiyə Cümhurbaşqanı Recep Tayyip Erdoğan Türkiyə-Özbəkistan Yüksək Səviyyəli Strateji Əməkdaşlıq Şurasının 2-ci İclasında iştirak ediblər. İclasda hər iki ölkə lideri önəmli açıqlamalar veriblər.
Məsələn Ş.Mirziyoyev bəyan edib ki, Özbəkistan bundan sonra da Türkiyə ilə çoxplanlı əməkdaşlığın inkişafında maraqlıdır.
R.T.Erdoğan isə bildirib ki, ölkələr arasında strateji tərəfdaşlıq münasibətləri bütün sahələrdə qarşılıqlı etimad şəraitində durmadan inkişaf edir. O, qeyd edib ki, ölkələr arasında ticarət və investisiya qoyuluşu dinamik inkişaf edir. Son illərdə ticarət dövriyyəsi 2,5 dəfə artıb və 3,6 milyard dollara çatıb. Birgə müəssisələrin həcmi beş dəfə artıb və 2 minə çatıb. İnvestisiya sahəsində əməkdaşlıq göstəriciləri 70 dəfə artıb.
“Atacağımız ortak adımlarla Özbekistan’la ticaret hacmimizi 10 milyar dolar seviyesine çıkaracağız” https://t.co/U8KsjUZw7X pic.twitter.com/SNHhbvneA6
— T.C. Cumhurbaşkanlığı (@tcbestepe) March 29, 2022
Bir çox sahələrdə əməkdaşlığın daha da dərinləşdirilməsi məsələlərinin müzakirə edildiyi iclasın sonunda Özbəkistanla Türkiyə arasında əməkdaşlığın yeni səviyyəyə qaldırılması ilə bağlı mühüm sənədlər imzalanıb.
İmzalanmadan sonra keçirilən mətbuat konfransında R.T.Erdoğan iki ölkə arasında 10 mühüm sənədin imzalandığını bəyan edib.
Cumhurbaşkanı Erdoğan, Özbekistan Cumhurbaşkanı Mirziyoyev ile ortak basın toplantısında konuşuyor https://t.co/mz8crueQzP
— T.C. Cumhurbaşkanlığı (@tcbestepe) March 29, 2022
Səfər çərçivəsində R.T.Erdoğan və Ş.Mirziyoyev iki ölkə arasında qardaşlığın rəmzi olan dostluq ağacı əkib. Türkiyə Cümhurbaşqanı həmçinin Türk Enerji İnvestisiyalarının onlayn təməlatma mərasimində də iştirak edib.
[…] Özbəkistanla Türkiyə arasında 10 mühüm sənəd […]
[…] Özbəkistanla Türkiyə arasında 10 mühüm sənəd […]
[…] Özbəkistanla Türkiyə arasında 10 mühüm sənəd […]