Son yeniləmə: 30 Mart 2022 09:07
Bayraqdar.info – Martın 29-da kişi voleybolçular arasında Azərbaycan Yüksək Liqasında növbəti turun oyunları keçirilib.
Azərbaycan Voleybol Federasiyasından bayraqdar.info-ya verilən xəbərdə bildirilir ki, “Sərhədçi” İdman Olimpiya Mərkəzində təşkil olunan XIV tura MOİK – “Murov” qarşılaşması ilə başlayıb. Qarşılaşma “Murov”un üstünlüyü ilə başlayıb. Fərid Cəlalovun komandası ilk hissəni 25:18 hesabı ilə aktivinə yazıb. Növbəti 2 hissədə də rəqibindən üstün oyun nümayiş etdirən “Murov” 3 xalı 3 setlə qazanıb – 3:0
(25:18, 25:23, 25:8)
“Günün ikinci qarşılaşmasında “Sərhədçi” “Ekspress”lə görüşüb. Bu qarşılaşmada isə qalib 4 hissədə müəyyən olunub. İlk iki setdə (25:22, 27:25)hesabı ilə qalib gələn “Sərhədçi” üçüncü hissəni 13:25 hesabı ilə məğlub olub. Dördüncü set isə matçda sonuncu olub. “Sərhədçi” bu seti 25:23 hesabı ilə qalib gələrək, çempionatda ilk qələbəsini qazanıb-3:1 (25:22, 27:25, 13:25, 25:23)
“Beləliklə, XIV turdan sonra “Murov” 29 xalla turnir cədvəlinə liderlik edir, bu turda istirahət edən “Neftçi”nin 28, MOİK-in 18, “Ekspress”in 6, “Sərhədçi”nin 3 xalı var”, – deyə xəbərdə bildirilir.
