Son yeniləmə: 30 Mart 2022 10:19
Bayraqdar.info – Ümummilli lider Heydər Əliyevin anadan olmasının 99-cu ildönümünə həsr olunan “Ən yaxşı təqdimat” müsabiqəsinin şəhər mərhələsi keçirilib.
Bu barədə bayraqdar.info-ya martın 30-da Bakı Şəhəri üzrə Təhsil İdarəsindən məlumat verilib.
“”Ümumi təhsil məktəblərinin IX-XI sinif şagirdləri arasında keçirilən müsabiqənin şəhər mərhələsində iştirakçılar təqdim olunan mövzulardan biri əsasında videotəqdimatla çıxış ediblər. İştirakçıların çıxışı hər meyar üzrə maksimum 5 bal olmaqla, ümumilikdə 25 balla qiymətləndirilib. İki mərhələdən ibarət “Ən yaxşı təqdimat” müsabiqəsinin ölkə mərhələsi aprel ayında Bakı şəhərində keçiriləcək.
“Qeyd edək ki, müsabiqənin keçirilməsində əsas məqsəd Ulu Öndərin zəngin siyasi irsinin, şərəfli ömür yolunun və çoxşaxəli fəaliyyətinin gənc nəsil tərəfindən öyrənilməsi işini daha da genişləndirməkdən ibarətdir”. Xəbərdə belə deyilir.
