İstanbulda tarix yazıla bilər

Yazar: Nadir Azəri - Əməkdar jurnalist. Tarix: 29 Mart 2022 09:06

Son yeniləmə: 29 Mart 2022 11:17

Bayraqdar.info – Martın 29-da bütün dünyanın diqqəti İstanbula yönələcək. Çünki bu gün Rusiya-Ukrayna danışıqlarının növbəti raundu İstanbulda baş tutacaq.

Artıq marın 28-də hər iki ölkənin nümayəndə heyəti Türkiyəyə gəlib. Öncə yerli vaxtla saat 16:00-da Rusiya, daha sonra saat 22:00-da isə Ukrayna heyətini gətirən təyyarə Atatürk hava limanına enib.

Anadolu Ajansı xəbər verir ki, tərəflər bu gün Türkiyə Cümhurbaşqanlığı Dolmabahçe Çalışma Ofisində bir araya gələcək. Bundan öncə isə Türkiyə Cümhurbaşqanı Recep Tayyip Erdoğan nümayəndə heyətləri ilə görüşəcək.

Müzakirələrin martın 29-u Türkiyə vaxtı ilə saat 10:30-da başlaması planlaşdırılıb. Tərəflər arasında müzakirələr iki gün davam edəcək. Bu müzakirələrdən müsbət bir nəticə ələd ediləcəyi gözlənilir. Bir sözlə, İstanbuld atarix yazıla bilər.

Əlaqəli

Bölmə: DÜNYA

Rusiya-Ukrayna

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: DÜNYADÜNYA bölməsinin başqa yazıları »