Son yeniləmə: 29 Mart 2022 16:49
Bayraqdar.info – Cəbrayıl Rayon Polis Şöbəsinin əməkdaşlarının rayon ərazisində həyata keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən şəxslər saxlanılıb.
Daxili İşlər Nazirliyinin mətbuat xidmətinin Bərdə regional qrupundan bayraqdar.info-ya verilən məlumata görə, Cəbrayıl Rayon Polis Şöbəsinin əməkdaşlarının rayonun Karxulu kəndində əməliyyat-axtarış tədbirləri həyata keçiriblər. Bu vaxt narkotik vasitələrin qanunsuz dövriyyəsində şübhəli bilinən Tural Əliyev, İlham Baxşalıyev, Elbrus Süleymanov və borca görə də axtarşıda olan Valeh Nəzərov saxlanılıblar. Həmin şəxslərdən ümumilikdə, 17 kiloqram 500 qrama yaxın marixuana, 2 kq 300 qram heroin, 1 kq 300 qram metamfetamin və 1 min 700 ədəd “Metadon” həbləri aşkar edilərək götürülüb. Həmçinin, V.Nəzərova məxsus 1 ədəd “TT” markalı tapança və 8 ədəd patron da aşkar edilərək götürülüb.
Faktla bağlı Cəbrayıl Rayon Polis Şöbəsində cinayət işi başlanılıb, araşdırmalar davam etdirilir.
