Son yeniləmə: 28 Mart 2022 16:13
Bayraqdar.info – Dövlət İmtahan Mərkəzi (DİM) tərəfindən dövlət qulluğu vəzifələrinin B növünə aid olan BA və BB qruplarına uyğun vəzifələr üzrə aprelin 10-da keçiriləcək test imtahanına qeydiyyat davam edir.
DİM-dən bayraqdar.info-ya bildirilib ki, imtahan üçün qeydiyyat martın 31-i saat 11:00-dək aparılacaq. İmtahan Bakı şəhərində keçiriləcək və namizədlər üçün iki min yer ayrılıb. Martın 28-i saat 10:45-dək olan məlumata görə, imtahanda iştirak etmək üçün 1 min 185 (BA – 319, BB – 866) namizəd qeydiyyatdan keçib.
İmtahanların başlanma saatı və yeri barədə məlumat imtahandan 5 gün əvvəl DİM-in saytında yerləşdiriləcək “İmtahana buraxılış vərəqəsi”ndə qeyd olunacaq.
