Bayraqdar.info – Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi 2021-ci il kiçik qrant müsabiqəsinin qalibi olmuş QHT-lərlə onlayn formatda görüş keçirib.
Bu barədə bayraqdar.info-ya martın 16-da Agentlikdən məlumat verilib.
Bildirilib ki, görüşdə Agentliyin İcraçı direktoru Aygün Əliyeva çıxış edib. İcraçı direktor çıxışında layihələrin icrasından gözləntilər, 2022-ci il fevral ayından icrası başlanmış layihələrin idarəedilməsi, təsviri və maliyyə hesabatlarının hazırlanma qaydaları və onların təqdim olunması mövzuları barədə ətraflı danışıb.
Çıxış zamanı QHT-lərə 2022-ci ilin qrant müsabiqəsi ilə bağlı bəzi yeniliklər haqqında məlumat verilib.
Üç saatdan çox çəkən görüşdə həmçinin QHT təmsilçilərinin sualları cavablandırılıb.
