Son yeniləmə: 15 Mart 2022 10:06
Bayraqdar.info – Bakı Dövlət Universitetində (BDU) “ASAN Könüllüləri” və BDU-nun Tələbə Gənclər təşkilatları Türkiyənin məşhur aktyoru, “Kurtlar vadisi” serialında Güllü Erhan obrazı ilə sevilən Erhan Ufak ilə tələbələrin görüşünü təşkil edib.
Bu barədə bayraqdar.info-ya BDU-dan məlumat verilib. Məlumatda deyilir ki, görüşdə sənət yolundan bəhs edən aktyor 15 ildən artıq davam edən və Azərbaycanda kifayət qədər sevilən “Kurtlar vadisi” serialındakı rolundan danışıb.
“Azərbaycanda bir sıra yeni layihələrə başladığını qeyd edən Erhan Ufak özünü doğma ölkəsində hiss etdiyini, BDU tələbələri və könüllüləri ilə görüşdən məmnun olduğunu qeyd edib. Sonra o, tələbələrin sualları cavablandırılıb.
