Son yeniləmə: 15 Mart 2022 09:14
Bayraqdar.info – Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Belçikanın “Ucon” şirkətinin rəhbəri Jan De Brabander ilə görüşüb.
Bu barədə bayraqdar.info-ya KOBİA-dan məlumat verilib.
Bildirilib ki, görüşdə KOBİA-nın sahibkarlara göstərdiyi dəstək və xidmətlər, xüsusilə də təlim və məsləhət xidmətləri barədə məlumat verilib.
Həmçinin, yerli sahibkarlara biznes sahəsində peşəkar məsləhət xidmətinin göstərilməsi məqsədilə Agentliyin mütəmadi olaraq beynəlxalq təcrübəni öyrəndiyi diqqətə çatdırılıb, bu sahədə əməkdaşlıq imkanları barədə fikir mübadiləsi aparılıb.
