Son yeniləmə: 14 Mart 2022 16:34
Bayraqdar.info – Eskişehir Azərbaycanlılar Dərnəyi və Kızılelma Turan Dərnəyinin birgə təşkilatçılığı ilə türk dünyası tələbələri arasında bilik yarışı keçirilib. Yarış Eskişehir Anadolu Universitetində baş tuutb.
Bu barədə bayraqdar.info-ya martın 14-də Eskişehir Azərbaycanlılar Dərnəyindən məlumat verilib.
Bildirilib ki, yarışda türk dünyasının fəqrli ölkələrindən olan tələbələrin formalaşdırdıqları 26 komanda iştirak edib. Yarışdan öncə çıxış edən Eskişehir Azərbaycanlılar Dərnəyi və Kızılelma Turan Dərnəyinin rəhbərləri iştirakçılara uğurlar arzulayıblar.
Çıxışlarda qeyd olunub ki, türk dünyasının gələcək inkişafı həm də bilikli və yüksək bacarıqlı gənclərin formalaşmasından keçir. Buna görə də gənclərimiz biliklərə yiyələnməli, türk dünyasının tarixini dərindən öyrənməlidirlər.
Daha sonra komandalara yarışın qaydaları izah edilib. Belə ki, Eskişehir Azərbaycanlılar Dərnəyinin koordiantoru Cavid Əmirov yarış haqqında iştirakçıların diqqət etməsi gərəkən şərtlərdən danışıb.
Beləliklə, yarış başlayıb. Qeyd edək ki, bilik yarışı iki hissədən ibarət olub və hər hissədə 15 sual qoyulub. Fərqli sahələri əhatə edən suallar tələbələr tərəfindən maraqla qarşılanıb.
Yarışda ilk üç yeri tutan komandalara hədiyyələr təqdim edilib. Bu bilik yarışının qalibi isə ESOGÜ komandası olub.
Sonda xatirə fotosu çəkilib.
