Press "Enter" to skip to content

Tahsin Ertuğruloğlu Antalyada görüşlər keçirib

Yazar: Nadir Azəri - Əməkdar jurnalist. Tarix: 12 Mart 2022 13:50
Tahsin Ertuğruloğlu
Tahsin Ertuğruloğlu

Son yeniləmə: 12 Mart 2022 14:24

Bayraqdar.info – Kuzey Kıbrıs Türk Cümhuriyyətinin xarici işlər naziri Tahsin Ertuğruloğlu İkinci Antalya Diplomatiya Forumunda iştirak edir. Bu barədə verilən məlumata görə, o, Forum çərçivəsində bir sıra görüşlər keçirib.

Bu görüşlər barədə KKTC-nin BRT kanalında yayımlanan “18. saat” proqramına açıqlama verən nazir ümumilikdə Forumu da dəyərləndirib. T.Ertuğruloğlu bildirib ki, İkinci Antalya Diplomatiya Forumu geniş iştirak və mühüm məsələlərin müzakirə edildiyi çoxölçülü bir tədbirdir.

İkinci dəfə keçirilən Forumun böyük bir tədbir olduğunu və burada dünyanın hər yerindən yüksək səviyyəli rəsmilərin iştirak etdiyini deyən nazir, bu tədbirdə KKTC adından iştirakın çox vacib olduğunu qeyd edib.

Bölmə: TÜRK DÜNYASI

Nadir Azəri - Əməkdar jurnalist
Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »
Mission News Theme by Compete Themes.