“Buta Airways”: “Bakıdan İstanbula gedən təyyarə Ankarada enib”

Yazar: Sevda Əskər. Tarix: 11 Mart 2022 14:27

"Buta Airways"

Bayraqdar.info – Martın 11-də “Buta Airways”in J2-9103 nömrəli Bakı-İstanbul (Sabiha Gökçen Hava Limanı) reysini həyata keçirən hava gəmisi Ankaranın Esenboğa Beynəlxalq Hava Limanında (ESB) enib.

Bu barədə bayraqdar.info-ya “Azərbaycan Hava Yolları” QSC-nin (AZAL) aşağıbüdcəli törəməsi “Buta Airways” dən bildirilib.

Məlumata görə, Sabiha Gökçen aeroportu əlverişsiz hava şəraiti ilə əlaqədar təyyarələrin gəliş-gedişinə müvəqqəti məhdudiyyətlər tətbiq edib. Təyyarə yerli vaxt ilə saat 11:52-də uğurlu eniş edib.

Sabiha Gökçen Hava Limanı icazə verəcəyi təqdirdə təyyarə İstanbula yola düşəcək.

Bölmə: XƏBƏRLƏR

Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər