Son yeniləmə: 10 Mart 2022 19:30
Bayraqdar.info – Energetika naziri Pərviz Şahbazov Türkiyənin xarici işlər naziri Mevlüt Çavuşoğlunun dəvəti ilə Türkiyəyə səfər edib. Nazir 11-13 mart tarixlərindəAntalya şəhərində “Diplomatiyanın Yenidən Qurulması” mövzusunda keçiriləcək İkinciAntalya Diplomatiya Forumunda (ADF) iştirak edəcək.
Bu barədə bayraqdar.info-ya martın 10-da Energetika Nazirliyindən məlumat verilib.
Bildirilib ki, energetika naziri forum çərçivəsində “Enerjitəhlükəsizliyindəqarışıqlıq”panelində müzakirələrə qatılacaq.
Xatırladaq ki, Türkiyə Prezident Administrasiyasının himayədarlığı ilə Xarici İşlər Nazirliyi tərəfindən təşkil olunan Antalya Diplomatiya Forumu dünyanın bir çox ölkəsindən dövlət və hökumət başçıları, nazirlər, tanınmış dövlət və siyasi xadimləri, nüfuzlu siyasətçilər, elm, fikir və iş adamları və media nümayəndələrini bir araya gətirən və dialoqu təşviq edən platformadır.
