Son yeniləmə: 10 Mart 2022 12:11
Bayraqdar.info – TÜRKSOY türkdilli xalqların sahib olduğu mədəniyyətin dünyaya tanıdılması və gələcək nəsillərə ötürülməsi ilə bağlı effektiv fəaliyyət göstərməklə bu xalqlar arasında həmrəyliyin daha da güclənməsində mühüm rol oynayır. Düsen Kaseinovun yorulmaz fəaliyyəti nəticəsində TÜRKSOY türkdilli xalqların mədəniyyətlərinin təbliği istiqamətində dünyanın müxtəlif ölkələrində, beynəlxalq təşkilatlarda əhəmiyyətli tədbirlər həyata keçirib.
TÜRKSOY-un baş katibi, professor Düsen Kaseinovun 75 illik yubileyi münasibətilə M.F.Axundov adına Azərbaycan Milli Kitabxanasında eyniadlı virtual sərgi açılıb.
Milli Kitabxanadan bayraqdar.info-ya bildirilib ki, virtual sərgidə rəsmi sənəd, fotolar, TÜRKSOY-un baş katibi, professor Düsen Kaseinovun səmərəli fəaliyyəti haqqında yazılan kitablar, eləcə də dövri mətbuat səhifələrində dərc olunan məqalələr nümayiş olunur.
Virtual sərgi ilə tanış olmaq istəyənlər linkindən istifadə edə bilərlər.
“Düsen Kaseinov sülhün, inkişaf və tərəqqinin, dostluq və qardaşlığın, insanların rahat yaşayışının təmin olunmasının tərəfdarıdır. Dünyanı sülh, inkişaf və tərəqqi yolunda görmək onun həyat amalıdır, mədəniyyətlər, dinlər və təriqətlər arasında dialoq və inteqrasiya tərəfdarıdır. Məhz elə buna görə də məqsədyönlü fəaliyyətinə görə ayrı-ayrı dövlətlərin orden və medalları ilə təltif olunub.
“Dünya mədəniyyətinin inkişafına verdiyi töhfələrə, sülhsevər mədəni layihələrinə görə 2007-ci ildə Rusiya Federasiyasının “Dostluq” ordeni ilə təltif olunan D.Kaseinov beş il sonra – 2012-ci ildə Azərbaycan Respublikasının Prezidenti tərəfindən “Dostluq” ordeni ilə mükafatlandırılıb. Həmçinin, TÜRKSOY-da səmərəli fəaliyyətinə və təşkilatın üzv dövlətləri arasında mədəni əlaqələrin inkişafında xidmətlərinə görə “Azərbaycan Respublikası Prezidentinin Fəxri Diplomu” ilə təltif edilib”, – deyə Kitabxananın xəbərində deyilir.
