Son yeniləmə: 10 Mart 2022 14:20
Bayraqdar.info – Bakıda keçirilən V Beynəlxalq Etnoidman Forumunda iştirak etmək üçün Azərbaycana səfər edən Macar Turan Fondunun prezidenti Biro Andras Zslot bir sıra görüşlər də keçirib. Bu çərçivədə o, martın 9-da Türk Dünyası Araşdırmaları Vəqfi Bakı Atatürk Liseyində oldu.
Öncə Türk Dünyası Araşdırmaları Vəqfinin başqanı Közhan Yazgan və liseyin müdiri Eylem Gültekinlə görüşən qonaq, onlardan bu təhsil müəssisəsi ilə bağlı geniş məlumat aldı. UNEC-in Türk Dünyası İqtisad Fakültəsinin dekanı Prof. Dr. Mehmet Yücenin də iştirak etdiyi, qarşılıqlı fikir mübadiləsi şəraitində keçən görüşdə Macar Turan Fondu ilə lisey arasında gələcək əməkdaşlıq perspektivləri də müzakirə edildi.
Görüş zamanı liseyin müdiri E.Gültekinin liseylə Macarıstanın orta məktəblərinin biri arasında qardaşlıq əlaqələrinin qurulması təklifi qonaq tərəfindən müsbət qarşılandı.
Görüşdən sonra liseyin konfrans zalında şagidlərlə toplantı keçirildi. Toplantıda çıxış edən qonaq macarların tarixi kökündən, həmçinin türk dünyasının birliyi naminə atılan addımlardan bəhs etdi.
Toplantı bədii proqramla başa çatdı. Bədii proqramda Əməkdar artist Nuriyyə Hüseynovanın ifasında vətənpərvərlik mövzularında mahnılar təqdim edildi.
[…] Macar Turan Fondunun prezidenti Bakı Atatürk Liseyində […]