Son yeniləmə: 10 Mart 2022 09:04
Bayraqdar.info – Martın 10-da Bakıda akrobatika gimnastikası üzrə dünya çempionatı başlayır. Yarışda 17 ölkədən 170 gimnast iştirak edəcək.
Azərbaycan Gimnastika Federasiyasıından bayraqdar.info-ya verilən bilgidə deyilir ki, dörd gün davam edəcək yarışda idmançılar qadın, kişi və qarışıq cütlükləri, eləcə də qadın və kişi qrupları proqramlarında balans, temp və qarışıq hərəkətlər üzrə çıxış edəcəklər.
“Yarışda Azərbaycanı gənclər arasında Avropa çempionları Daniel Abbasov və Murad Rəfiyev kişi cütlüklərin yarışında təmsil edəcəklər.
“Qarışıq cütlüklər tərkibində isə beynəlxalq turnirlərin qalibləri Sabir Ağayev və Mehriban Salamova, Avropa çempionatının gümüş və bürünc mükafatçıları Ağasif Rəhimov və Raziyə Seyidli mübarizə aparacaqlar.
“Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib”, – deyə bilgidə göstərilir.
