Son yeniləmə: 9 Mart 2022 12:39
Bayraqdar.info – Kişi voleybolçular arasında Azərbaycan Yüksək Liqasında növbəti oyunların keçirilmə vaxtı və yeri dəqiqləşib.
Azərbaycan Voleybol Federasiyasından bayraqdar.info-ya verilən xəbərdə bildirilir ki, II dövrənin sonuncu turu martın 10-da “Murov” voleybol klubunun idman zalında təşkil olunacaq.
“X turun ilk qarşılaşması saat 15:00-da “Sərhədçi” – “Murov” arasında olacaq. Dövrənin son matçı isə 2 saat sonra başlayacaq. Həmin görüşdə “Neftçi” “Ekspress”i sınağa çəkəcək”, – deyə xəbərdə bildirilir.
