Son yeniləmə: 25 Fevral 2022 11:32
Bayraqdar.info – Xocalı soyqırımının otuzuncu ildönümü haqqında Prezidentin Sərəncamı və Mədəniyyət Nazirliyinin tədbirlər planına uyğun keçirilən tədbirlərin davamı olaraq M.F.Axundov adına Azərbaycan Milli Kitabxanasında Xocalı qətliamı ilə bağlı “Khojaly tragedy – 30” adlı ingilis dilində fotosərgi açılıb.
Kitabxanadan bayraqdar.info-ya bildirilib ki, fotosərgidə ingilis dilində Azərbaycanın görkəmli şəxsiyyətlərinin Xocalı soyqırımı haqqında fikirləri, Xocalı ağrısını özündə əks etdirən fotolar nümayiş olunur. Təqdim olunan fotosərginin ingilis dilində hazırlanmasında əsas məqsəd dünya ictimaiyyətini erməni qəsbkarlarının törətdiyi cinayətlər barədə məlumatlandırmaqdır.
Xocalı faciəsi kimi, kütləvi və amansız qırğın aktı Azərbaycanın dövlət müstəqilliyinə və ərazi bütövlüyünə qarşı çevrilmiş terror siyasətinin təzahürü olmaqla, təkcə azərbaycanlılara qarşı deyil, bütövlükdə insanlıq əleyhinə törədilmiş qəddar cinayət aktıdır. Kitabxanadan bildirilib ki, fotosərgi ilə tanış olmaq istəyənlər linkdən istifadə edə bilərlər.
