Son yeniləmə: 23 Fevral 2022 13:15
Bayraqdar.info –Azərbaycan-Qətər enerji əməkaşlığının qurulması üçün münasib vaxtdır. Bunu energetika naziri Pərviz Şahbazov Qətərin enerji məsələləri üzrə dövlət naziri, “Qatar Energy” şirkətinin prezidenti və icraçı direktoru Saad Şerida al-Kaabi ilə görüşdə deyib.
Bu barədə bayraqdar.info-ya fevralın 23-də Energetika Nazirliyindən məlumat verilib.
Bildirilib ki, görüşdə qlobal qaz bazarında inkişaf meyilləri, iki ölkə arasında enerji əməkdaşlığının inkişafı üçün mövcud imkanlar nəzərdən keçirilib.
Nazir Azərbaycanın ənənəvi və bərpa olunan enerji potensialı, qaz ixrac infrastrukturu vəhədəfləri barədə məlumat verib. P.Şahbazov enerji sahəsində əməkdaşlıq istiqamətində “Nebras Power” ilə qaz-turbin, eləcə də külək elektrik stansiyaları layihələri üzrə əməkdaşlığa başlandığını qeyd edib.
Eyni zamanda Xəzər dənizinin Azərbaycan sektorunda zəngin külək enerji potensialı da enerji əməkdaşlığı üçün perspektiv istiqamət kimi diqqətə çatdırılıb.
Söhbət zamanı əməkdaşlıq imkanlarının dəyərləndirilməsi üçün təmasların davam etdirilməsirazılaşdırılıb.
