Bayraqdar.info – Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə Meksikanın ölkəmizdəki səfiri Xuan Rodriqo Labardini ilə görüşüb.
MOK-un mətbuat xidmətindən verilən məlumata görə, görüşdə Ç.Hüseynzadə Azərbaycanın Olimpiya tarixi haqda səfirə məlumat verib.
“Diplomat Meksika ilə Azərbaycan arasında imzalanan və elm, mədəniyyət, təhsil, idman, gənclər sahələrini əhatə edən hökumətlərarası sazişi xatırladıb və bu sənəd əsasında görülən işlərdən danışıb.
“İdmançıların hər iki ölkədə təlim-məşq toplanışlarına qatılmalarını təklif edən səfir Meksika atletlərinin taekvondo, boks və suyatullanma, Azərbaycan idmançılarının isə güləş, gimnastika, atletika və digər idman növləri üzrə təcrübə mübadiləsi aparmalarının da əməkdaşlığa töhfə verəcəyini bildirib.
QSöhbət zamanı idman sahəsində uzun illərə əsaslanan əməkdaşlığın inkişafına xidmət edəcək məsələlər müzakirə olunub, əlaqələrin genişləndirilməsinə dair fikir mübadiləsi aparılıb”, – deyə xəbərdə qeyd edilir.
