Press "Enter" to skip to content

Yeni hökumətdə yeni simalar

Yazar: Nadir Azəri - Əməkdar jurnalist. Tarix: 21 Fevral 2022 14:10

Son yeniləmə: 21 Fevral 2022 23:53

KKTC-nin 26-cı hökumətinin tərkibi bəllidir

Bayraqdar.info – Kuzey Kıbrıs Türk Cümhuriyyətinin yeni hökumətinin tərkibi bəllidir. Cümhurbaşqanı yeni kabineti təsdqiləyib.

Növbəti mərhələdə söz parlamentindir.

Qeyd edək ki, gözlənildiyi kimi yeni hökumətdə 10 nazirlik var. Onlardan 8-nə UBP, 1-nə DP, 1-nə isə YDP rəhbərlik edəcək.

Beləliklə, yeni kabinetin tərkibi belədir:

Baş nazir Fazi Sucuoğlu

İqtisadiyyat və enerji naziri Kutlu Evren

Xarici işlər naziri Hasan Tasoy

Daxili işlər naziri Ünal Üstel

Maliyyə naziri Sunat Atun

Milli təhsil və mədəniyyət naziri Nazım Çavuşoğlu

Kənd təsərrüfatı və təbii sərvətlər naziri Dursun Oğuz

İctimai işlər və nəqliyyat naziri Erhan Arıklı

Səhiyyə naziri Ali Pilli

Turizm və ətraf mühit naziri Fikri Ataoğlu

Əmək və sosial müdafiə naziri Oğuzhan Hasipoğlu

Göründüyü kimi keçən hökumətdən fərqli olaraq bu hökumətin tərkibində qadın nazir yoxdu. Bundan öncə ictimai işlər və nəqliyyat naziri olan, KKTC-nin keçmiş Cümhurbaşqanı, həmçinin UBP-nin qurucularından Derviş Eroğlunun qızı Resmiye Canaltay yeni kabinetdə yer almayıb. Halbuki onun kabinetdə təmsil olunacağı şübhə doğurmurdu.

Eyni zamanda, Tahsin Ertuğruloğlu da xarici işlər naziri postunu qoruya bilməyib. Ümumiyyətlə, bu hökumətdə UBP-də yeni simalar önə çıxıb.

Bölmə: SİYASƏT və TÜRK DÜNYASI

Nadir Azəri - Əməkdar jurnalist
Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: SİYASƏTSİYASƏT bölməsinin başqa yazıları »
Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

One Comment

Comments are closed.

Mission News Theme by Compete Themes.