Son yeniləmə: 21 Fevral 2022 12:32
Bayraqdar.info – 44 günlük Vətən müharibəsində qazanılan böyük Zəfərə həsr edilmiş “İlhamlı Qələbələr” adlı idman festivalı çərçivəsində fevralın 20-də stolüstü tennis turnirinin açılış mərasimi olub.
Bu barədə bayraqdar.info-ya fevralın 21-də Gənclər və İdman Nazirliyindən məlumat verilib. Məlumatda bildirilir ki, açılış mərasimində Respublikanın Dövlət himni səsləndirilib, şəhidlərimizin, eləcə də Kəlbəcərdə xidməti vəzifələrini yerinə yetirərkən minaya düşərək şəhid olan AZƏRTAC-ın müxbiri Məhərrəm İbrahimovun və Azərbaycan Televiziyasının (AzTV) operatoru Sirac Abışovun xatirəsi bir dəqiqəlik sükutla yad edilib.
“Azərbaycan Stolüstü Tennis Federasiyasının baş katibi Könül Mikayılova, şəhid jurnalist Məhərrəm İbrahimovun qardaşı Əsgər İbrahimov, qazi Bəhlul Əliyev və digərləri Vətənin müdafiəsi uğrunda şəhid olan qəhrəmanların yaddaşlarda əbədi yaşayacaqlarını bildiriblər. Qeyd edilib ki, şəhidlik zirvəsinə ucalan cəsur, igid əsgərləri, qəhrəman oğulları Azərbaycanın hər bir vətəndaşı tanımalı, onların keçdiyi şərəfli döyüş yolunu bilməlidir.
“Bundan sonra yarış başlayıb. Xatırladaq ki, turnir “Şüa” idman-sağlamlıq kompleksində baş tutub. Turnir üç qrupda – qazilər, jurnalistlər və ictimaiyyətin tanınmış nümayəndələri arasında təşkil olunub.
Turnirdə aşağıda adları qeyd olunun içtirakçılar mükafat qazanıb:
Qazilər, müharibə iştirakçıları;
“I yer – Hüseynov Elsəvər Zərdab 2-ci Qarabağ qazisi
II yer – İsmayılov Fərrux Salyan 2-ci Qarabağ qazisi
III yer – Feyziyev Murad Salyan 2-ci Qarabağ qazisi
III yer – Burziyev Ziyafət Salyan 1-ci Qarabağ qazisi
“Jurnalistlər və tanınmış ictimaiyyət nümayəndələri
Kişilər;
I yer – Qəmərşahoğlu Rəşad – “Sportstman” jurnalı
II yer – Səmıdov Bəhruz – “Brendsport.az” saytı
III yer – Əliyev Ceyhun – “Sport.24.az” saytı
III yer – Piriyev Söhbət – “Azadmedia.az” saytının cənub bürosunun müxbiri
“Qadınlar;
I yer – Nəsirova Məhluqə – “Brendsport.az” saytı
II yer – Ibrahimova Gülzar – “Sehirli Dünya” uşaq jurnalı
III yer – Əliyeva Ülkər – Azərbaycan Dövlət İnformasiya Agentliyi (AZƏRTAC)
III yer -Abıyeva Səbinə – “Sportsman” jurnalı
“Qaliblərə Stolüstü Tennis Federasiyası tərəfindən pul mükafatı və sponsorlardan qiymətli hədiyyələr verilib. Eyni zamanda qazilərə, bütün iştirakçılara sponsorlarımız olan “Həyat aptek”, “Cəngi” fitnes mərkəzi, “Etirci” parfümeriya, “Suzani Baku Tekstil”, “Scallezioni” , “Azerçay” və “Dübrar” sularından hədiyyələr, Stolüstü Tennis Federasiyası və BrendSport.az saytı tərəfindən iştirak etdiklərinə görə “Təşəkkürnamə”lər təqdim olunub.
“Bununla da “İlhamlı qələbələr” idman festivalı çərçivəsində keçirilən tennis yarış başa çatıb. Qeyd edək ki, bundan başqa festival çərçivəsində peyntbol, güllə atıcılığı və şahmat turnirlərinin təşkili də planlaşdırılır”, – deyə məlumatda bildirilir.
