Bayraqdar.info – Eskişehir Ülkü Ocaqları Fırat Yılmaz Çakıroğlunun ölümün yeddinci ildönümü ilə bağlı tədbir keçirib. “Ey illəri hədər gedən gənc” başlıqlı anım mərasimi Eskişehir Taşbaşı Kültür Mərkəzinin Qırmızı salonunda baş tutub.
Bununla bağlı məlumatda qeyd olunur ki, mərasimdə MHP Eskişehir millət vəkili Metin Nurullah Sazak, Eskişehir Ülkü Ocaqları başqanı Kazım Aksoy və idarə heyətinin üzvləri, MHP Eskişehir il başqanı İsmail Candemir, Çifteler bələdiyyəsi başqanı Kadır Bıyık, MHP Odunpazarə və Terebaşı ilçe başqanları, Eskişehir Azərbaycanlılar Dərnəyinin başqanı Cavid Aydın, həmçinin digər şəxslər iştirak ediblər.
İştirakçılar öncə Fırat Yılmaz Çakıroğlunun xatirəsinə həsr olunmuş fotosərgi ilə tanış olublar.
Asena bölməsindən Ahsen Çetinkayanın aparıcılıq etdiyi proqram Çarşı məscidinin imamı Halim Özdəmirin Quran tilavəti ilə başlayıb.
Sonra Eskişehir Ülkü Ocakları başqanı Kazım Aksoy çıxış edib. Mərasim Asena bölməsinin rəhbəri İlknur Şenyurt rəhbərliyində Asena bölməsi Tayfun Köylü və orta təhsil bölməsinin töhfələri ilə davam edib.
Sənətçi Emre Güleçin bir-birindən gözəl türküləri ilə davam edən proqramda, 11 yaşlı Fatih Şenyurtun “Yele yazdım ülkümü” şeiri alqışlarla qarşılanıb.
Proqramın sonunda Fırat Yılmaz Çakıroğlunun ailəsinin, bacısının, dostlarının hazrıladığı video və ülkü şəhidlərinin xatirəsinə həsr edilmiş video nümayiş etdirilib.
Tədbirdə həmçinin Emre Güleç və İlknur Şenyurtun ifasında “Mağusa limanı” mahnısı, həmçinin xor halında “Oy qardaşım” türküsü səsləndirilib.
Sonda isə bütün şəhidlər üçün dua edilib.
Xatırladaq ki, Fırat Yılmaz Çakıroğlu 20 fevral 2015-ci ildə ali təhsilini davam etdirdiyi Ege Universitetində çıxan davada müxalif qrup tərəfindən bıçaqlı hücuma məruz qalaraq dünyasını dəyişib. Onun bütün Türkiyəni sarsıdan ölümündən 7 il ötür. Onun xatirəsi həm ad günündə, həm də ölüm ildönümündə anılır.
