KKTC-də yeni hökumət formulu bəlli oldu

Yazar: Nadir Azəri - Əməkdar jurnalist. Tarix: 19 Fevral 2022 19:00

Son yeniləmə: 19 Fevral 2022 19:01

Bayraqdar.info – Kuzey Kıbrıs Türk Cümhuriyyətində yeni hökumət qurulması istiqamətində danışıqlar müsbət nəticə verib. Belə ki, yeni kabinet 3 partiyanın koalisiyası ilə formalaşacaq.

Bu barədə UBP genel başqanı, baş nazir Faiz Sucuoğlu məlumat verib. BRT-də yayımlanan “18-ci saat” proqramına telefonla qatılan baş nazir UBP-DP-YDP koalisiyasının qurulması istiqamətində ümumi razılığın əldə olunduğunu bildirib.

Onun sözlərinə görə, yeni hökumətdə nazir portfelləri 8-1-1 formulu üzrə bölünəcək. Yəni, bununla UBP yeni hökumətdə 8, DP və YDP isə hər biri bir nazir portfeli əldə edəcək.

F.Sucuoğlu fevralın 20-də partiyanın yetkili qurumlarının toplanacağını, fevralın 21-də isə yeni kabinetin Cümhurbaşqanı Ersin Tatara təqdim ediləcəyini vurğulayıb.

Əlaqəli

Bölmə: TÜRK DÜNYASI

yeni kabinet

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »