Son yeniləmə: 18 Fevral 2022 09:39
Bayraqdar.info – Fevralın 18-də xüsusi təhsil müəssisələrinə defektoloq və tərbiyəçi vəzifələri üzrə işə qəbul üçün vakansiya seçimi başa çatacaq. Vakansiya seçimi fevralın 18-i saat 18:00-dək davam edəcək.
Təhsil Nazirliyindən bu barədə bayraqdar.info-ya bildirilib. Xəbərdə deyilir ki, təhsil müəssisələri üzrə mövcud vakansiyalar aşağıdakı cədvəllərdə təqdim edilib.
Namizədlər vakansiya seçimində iştirak etmək üçün qeyd edilən linkə daxil olaraq müraciət edə bilərlər.
“Qeyd edək ki, seçim zamanı müvafiq ixtisas üzrə baza təhsili, iş stajı və müraciət etdiyi vakansiya üzrə faktiki yaşayış yeri uyğun olan namizədlərə üstünlük veriləcək. Namizədlər yuxarıda qeyd olunan linkə daxil olaraq müvafiq xanaları doldurduqdan sonra 1 vakant yer seçimi edə bilərlər.
“Növbəti mərhələdə seçilən namizədlər üçün müsahibə mərhələsi təşkil olunacaq və müsahibə zamanı namizədlərin müvafiq sahə üzrə bilik və bacarıqları yoxlanılacaq”, – deyə xəbərdə vurğulanır.
