Son yeniləmə: 18 Fevral 2022 13:31
Bayraqdar.info – Animasiya filmini adətən körpələr sevir. Ancaq bu film tək uşaqların deyil, böyüklərin də marağına səbəb olacaq.
Bayraqdar.info xəbər verir ki, bu sözləri Qobustan Milli Tarix-Bədii Qoruğunun direktoru Vüqar İsayev “Qavaldaş” animasiya filminin təqdimatı zamanı jurnalistlərə açıqlamasında deyib.
“Filmin bir hissəsi ABŞ, bir hissəsi Türkiyədə çəkilib, montaj hissəsi isə Azərbaycanda tamamlanıb. Filmdə uşaqlar Qobustanla bağlı öz fikirlərini bölüşürlər. Filmin təyyarədə səyahət edən sərnişinlər üçün nümayişi ilə bağlı “Azərbaycan Hava Yolları” QSC ilə danışıqlar aparılır. Yaxın zamanlarda ekran əsərinin rus və ingilis dillərinə dublyaj etdirilməsi də nəzərdə tutulur. Hazırda filmi qoruğun yutub kanalında izləmək olar.
“Həmçinin Qobustan Milli Tarix-Bədii Qoruğunun 50 nəfərlik kino zalı var. Qobustana ekskurs edən uşaqlar “Qavaldaş” animasiya filmini orada izləyə biləcəklər”,- deyə V. İsayev bildirib.
