Son yeniləmə: 17 Fevral 2022 11:48
Bayraqdar.info – Kuzey Kıbrıs Türk Cümhuriyyətinin qurucu Cumhurbaşqanı Rauf Raif Denktaşın zamanında çəkdiyi fotolar, həmçinin onun arxivindəki fotoşəkillər artıq virtual şəkildə də təqdim edilir.
Bu barədə verilən məlumatda deyilir ki, Mine Kar və Cem Karın hazırladığı “Fotoğraflarında həyatı və öz sözləri; Rauf R. Denktaş sərgisi” Abrakadabra İletişim Yönetimi (ACM Cyprus) tərəfindən artıq virtual sərgi kimi təqdim edilir.
www.denktassergi.com saytı üzərindən yayınlanan virtual sərgidə Rauf Denktaşın arxivində olan 50 min foto arasından seçilən ən maraqlı fotolar sərgilənir. Bu fotoşəkillər həm R.Denktaşın öz kitablarından, həm də onun sözlərinin yer aldığı digər kitablardan da götürülüb.
Virtual sərgidə KKTC-nin qurucu Cumhurbaşqanı Rauf Denktaşın uşaqlığı, ailəsi, mübarizə illəri və öz obyektivinin fotoşəkilləri ilə yanaşı, şəxsi həyatına və Kıbrıs tarixinə işıq tutan sözləri yer alıb.
Virtual sərgidə bu gün hər kəsin istifadə etdiyi R.Denktaşın iki bayrağın (Türkiyə və KKTC) fonundakı fotoşəkli haqqında da məlumat verilir. Mine Karın Denktaşın oxuduğu “İki Bayrağım Var” şeirindən ilhamlanaraq hazırladığı görüntüdə R.Denktaşın Türkiyə Cumburbaşqanı Abdullah Güllə rəsmi səfər zamanı əl sıxarkən mətbuata poza verdiyi zaman çəkilən fotodan istifadə edilib.
Şəkildəki bayraqların isə Lefkoşada, Kermiyada olan Mülki Müdafiə Təşkilatı Rəyasət Heyətinin bağçasındakı nəhəng bayraqlar olduğu barədə məlumat verilir.
