Bayraqdar.info – Ukrayna Krım tatarları üçün daha bir önəmli addım atıb. Belə ki, Ukraynanın Müvəqqəti İşğal Olunmuş Ərazilərin Reinteqrasiya Nazirliyi latın qrafikalı Krım-tatar əlifbasını standart İOS klaviaturaları siyahısına əlavə etmək üçün Apple şirkəti ilə danışıqlar aparır.
Bu barədə Nazirlikdən Ukrinform agentliyinə açıqlama verilib. Açıqlmada deyilir: “Müvəqqəti İşğal Olunmuş Ərazilərin Reinteqrasiya Nazirliyi Krım tatar dilini müasir rəqəmsal platformalarda daxil inkişaf etdirmək və populyarlaşdırmaq üçün 2022-ci ildə çoxmillətli Apple şirkətinin Ukrayna ofisi ilə Krım tatar klaviaturasını (latın qrafikası əsasında) standart İOS klaviaturaları siyahısına əlavə etmək üçün müzakirələrə başladı”.
Bundan əlavə, Nazirlikdən verilən açıqlamada Microsoft-un mövcud Krım tatar klaviaturasının Ukrayna hökuməti tərəfindən təsdiq edilmiş latın əsaslı Krım tatar əlifbasına uyğun olaraq yenilənməsi üçün Microsoft korporasiyasının Ukrayna nümayəndəliyi ilə danışıqlara başlanıldığı da bildirilib.
