Son yeniləmə: 11 Fevral 2022 08:47
Bayraqdar.info – Finlandiyanın https://www.espoo.fi xəbər saytında bu ölkənin Espoo şəhərində yaşayan gənc soydhttps://www.espoo.fiaşımız Aylin Cabbarovaya həsr olunmuş məqalə dərc olunub.
Bu barədə bayraqdar.info-ya Diasporla İş üzrə Dövlət Komitəsindən məlumat verilib.
Bildirilib ki, Elli Perttilyanın qələmə aldığı məqalə “Məktəb xorundan səsini yazdıran artistliyədək – Aylinin hekayəsi” adlanır. Məqalədə soydaşımızın peşəkar musiqiçi olmaq arzusundan, 8 yaşında öz dostları ilə birlikdə musiqi qrupu yaratmasından, 12 yaşında olarkən “Səs uşaqlar” (“The Voice Kids”) beynəlxalq musiqi müsabiqəsində uğurlu iştirakından, konsertlərdə çıxışlarından söz açılır.
Həmçinin onun uzun fasilədən sonra isə pandemiya məhdudiyyətləri dönəmində mahnılar bəstələyib, “Instagram” səhifəsində paylaşmasından, 2021-ci ildə Aylinin səsyazma şirkəti ilə müqavilə imzalamasından, onun məktəb məzunlarına həsr etdiyi “Kun Etikseen sä astut” (“Siz içəri girəndə”) adlı mahnının populyarlıq qazanmasından bəhs edilib. Aylinin ifasında həmin mahnınıbu link vasitəsilə izləmək olar.
Qeyd edilib ki, 19 yaşlı Aylin Cabbarova Azər-Türk gənclər təşkilatının fəal üzvüdür. O, Skandinaviya Azərbaycanlıları Koordinasiya Şurasının Finlandiya üzrə əlaqələndiricisi, Azər-Türk gənclər təşkilatının sədri Ülviyyə Cabbarovanın övladıdır.
Məqaləni ətraflı şəkildə bu linkdən oxumaq mümkündür:
