Son yeniləmə: 9 Fevral 2022 15:44
Bayraqdar.info – Türkiyənin mədəniyyət və turizm naziri Mehmet Nuri Ersoy İstanbulda keçirilən EMİTT 2022 – Şərqi Aralıq dənizi Beynəlxalq Səyahət və Turizm Sərgisi çərçivəsində Azərbaycan milli stendini ziyarət edib.
Bu barədə bayraqdar.info-ya fevralın 9-da Dövlət Turizm Agnetliyindən məlumat verilib.
Bildirilib ki, ziyarət zamanı türkiyəli nazir Dövlət Turizm Agentliyinin və Azərbaycan Turizm Bürosunun nümayəndələri ilə görüşüb.
Mehmet Nuri Ersoy milli stendlə tanışlıq zamanı Azərbaycan və Türkiyə arasında turizm əlaqələrinin hazırkı inkişafını yüksək qiymətləndirmiş və gələcək prespektivdə bu əməkdaşlığın daha da genişləndirilməsində maraqlı olduqlarını bildirmişdir.
Qeyd edək ki, fevralın 9-da Türkiyənin İstanbul şəhərində start götürən EMİTT 2022 – Şərqi Aralıq dənizi Beynəlxalq Səyahət və Turizm Sərgisində Dövlət Turizm Agentliyi və Azərbaycan Turizm Bürosunun nümayəndələri təmsil olunur. Stenddə eyni zamanda 5 yerli turizm şirkəti, 1 mehmanxana qrupu ve “Azərbaycan Hava Yolları” QSC də qatılıb.
