Son yeniləmə: 7 Fevral 2022 10:14
Bayraqdar.info – Fevralın 6-da Niderlandda futzal üzrə Avropa çempionatında final görüşü keçirilib.
Peşəkar Futbol Liqasından bayraqdar.info-ya verilən xəbərdə bildirilir ki, həlledici qarşılaşmada Rusiya və Portuqaliya milli komandaları üz-üzə gəliblər. Gərgin keçən görüşdə portuqaliyalılar üstün olub – 4:2. Yarımfinalda Rusiya Ukraynanı, Portuqaliya isə İspaniyanı eyni hesabla məğlub edib – 3:2.
Rusiya millisi yeddinci, Portuqaliya seçməsi isə üçüncü dəfə Avropa çempionatlarının finalına yüksəlib. Hər iki komanda 1 dəfə çempionluq sevinci yaşayıb. Belə ki, Rusiya millisi 1999-cu, Portuqaliya isə 2018-ci ildə Avropanın ən güclü komandası olub.
“Ukrayna və İspaniya arasında 3-cü yer uğrunda görüşdə isə ispanlar üstün olub – 4:1.
“Qeyd edək ki, Azərbaycan millisi qrup mərhələsində Gürcüstana 2:3 hesabı ilə məğlub olub. İspaniya seçməsi ilə 2:2 hesablı heç-heçə edən futzalçılar Bosniya və Herseqovinaya 5:2 hesabı ilə qalib gəliblər. Qrupda üçüncü olan Azərbaycan millisi növbəti mərhələyə vəsiqə qazana bilməyib”, – deyə xəbərdə bildirilir.
