Bayraqdar.info – Dövlət İmtahan Mərkəzində (DİM) İnformatika fənni üzrə işçi qrupunun iclası keçirilib.
DİM-dən bayraqdar.info-ya fevralın 1-də verilən məlumata görə gündəlik məsələ hazırlanması nəzərdə tutulan “İnformatika” vəsaitinin “İnformasiya və informasiya prosesləri” bölməsinin müzakirəsi olub.
İclasda həm nəzəri hissənin, həm də həmin hissəyə aid olan mövzulara dair tapşırıqların müzakirəsi aparılıb.
Müzakirələr zamanı nəzəri materialın müvafiq fənn kurikulumunun təlim nəticələrinə və dərsliklərə uyğunluğuna xüsusi diqqət yetirilib, fikir və təkliflər nəzərə alınıb.
İşçi qrupunun növbəti iclası fevralın 7-də olacaq.
