Son yeniləmə: 31 Yanvar 2022 15:19
Bayraqdar.info – Azərbaycanda “Birgə və sağlam” layihəsinin icrasına başlanıb.
Layihə Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin dəstəyi və “Birgə və sağlam” İctimai Birliyinin təşəbbüsü ilə keçirilir.
Bu barədə bayraqdar.info-ya yanvarın 31-də Dövlət Məşğulluq Agentliyindən məlumat verilib.
Bildirilib ki, layihənin məqsədi autizmli uşaqları böyüdən qadınların asudə vaxtlarının daha səmərəli keçirilməsinə şərait yaratmaq və məşğulluq imkanlarını genişləndirməkdir.
Layihə çərçivəsində iştirakçılar özünüməşğulluq proqramına cəlb edilərək təlimlərdə iştirak edəcək. Sonra isə uğurlu biznes plan tərtib edən qadınlara Dövlət Məşğulluq Agentliyi tərəfindən müxtəlif zərflər üzrə aktivlər təqdim ediləcək.
Aktivlərlə təmin ediləcək şəxslərin fəaliyyət göstərməsi üçün “Birgə və sağlam” İctimai Birliyi tərəfindən xüsusi yer ayrılacaq.
Artıq layihə iştirakçılarının seçimi aparılıb və yaxın zamanda təlimlərə start veriləcək.
