Son yeniləmə: 29 Yanvar 2022 11:07
Bayraqdar.info – Dəniz Mall” TM-də yerləşən “CinemaPlus” premium kinoteatrında məşhur kanadalı müğənni Selin Dionun həyat hekayəsindən bəhs edən “Sevgi səsi” filminin nümayişinə həsr edilmiş tədbir keçirilib.
“CinemaPlus”dan bayraqdar.info-ya verilən xəbərdə bildirilir ki, tədbirdə gənc istedadlı ifaçılar Vlada Axundova və Elvin Novruzov (L’veen) Selin Dionun məşhur mahnılarını canlı ifa ediblər.
“Filmin yaradıcısı, rejissor, ssenarist və baş rolda çəkilən Valeri Lemersye müğənninin çoxdankı pərəstişkarıdır. Lemersye üçün, onun qəhrəmanının hekayəsi, Dionun özü kimidir. Selin bir çox maneələrə baxmayaraq, pəncərə qırağında ağlamır, hər zaman özü olaraq qalan, güclü və istedadlı qadındır. Sevməyi və sevilməyi bilən böyük bir Kvebek ailəsindən olan sadə bir qızdır. Məşhur prodüser əyalətdə unikal səsi bu olan qızı tapır. ooun ulduz olmaq və dünyanın ən tanınmış müğənnilərindən biri olmaq üçün böyük şansı var. Ancaq xəyalların reallaşması çox zaman bir çox çətinliklərlə qarşılaşır”, – deyə xəbərdə qeyd edilir.
Qeyd edək ki, filmdə baş rollarda Valeri Lemersye, Kerol Ueyers və Silven Marselin çəkiliblər.
