Son yeniləmə: 28 Yanvar 2022 09:32
Bayraqdar.info – “Neftçi” qış fasiləsində növbəti transferini gerçəkləşdirib. Klubdan bayraqdar.info-ya xəbər verilib ki, “ağ-qaralar” Rusiyanın “Ufa” klubundan ayrılan Azərbaycan əsilli yarımmüdafiəçi Azər Əliyevi heyətinə qatıb. Paytaxt təmsilçisi 28 yaşlı oyunçunun keçidini Facebook səhifəsində paylaşdığı video ilə açıqlayıb.
“Futbolçu ilə 3,5 illik müqavilə bağlanıb. 27 yaşlı yarımmüdafiəçi paytaxt təmsilçisində 7 nömrəli formanı geyinəcək. Azər Əliyev Rusiyada “Ufa” ilə yanaşı, “Yenisey”, “Saxalin”, “Krılya Sovetov” və “Tambov” klublarının da formasını geyinib.
“Qeyd edək ki, “Neftçi” bundan əvvəl müdafiəçi Azər Salahlı, yarımmüdafiəçilər Eddi İsrafilov, Gilyerme Pato və qapıçı İvan Brkiçi transfer edib”, – deyə xəbərdə bildirilir.
