Son yeniləmə: 29 Yanvar 2022
Bayraqdar.info – Yanvarın 27-də Azərbaycanın Birləşmiş Krallıqdakı səfiri Elin Süleymanov Parlamentin İcmalar Palatasının Spikeri Ser Lindsi Hoyl ilə görüşüb.
Bu barədə bayraqdar.info-ya yanvarın 28-də səfrilikdən məlumat verilib.
Qeyd edilib ki, görüş zamanı Azərbaycan və Birləşmiş Krallıq arasında çoxşaxəli əməkdaşlıq münasibətlərinin hazırki vəziyyəti, parlamentlərarası təmasların intensivləşdirilməsi imkanları və geosiyasi məsələlər ətrafında fikir mübadiləsi aparılıb.
Spiker ölkəmizin Birləşmiş Krallıqla tərəfdaşlıq münasibətlərini, Azərbaycanla xüsusilə enerji sahəsində təsis edilmiş uğurlu əməkdaşlığı və Azərbaycanda mövcud olan çoxəsrlik tolerantlıq ənənələrini yüksək qiymətləndirib.
Səfir və Spiker arasında görüşlə əlaqədar İcmalar Palatasının inzibati binasının qarşısında protokol ənənələrinə uyğun olaraq Azərbaycan Respublikasının dövlət bayrağı dalğalandırılıb. E.Süleymanov İcmalar Palatasının xatirə dəftərini imzalayıb.
