Bayraqdar.info – Beynəlxalq Türk Mədəniyyəti Təşkilatı (TÜRKSOY) tərəfindən 2022-ci il Türk Dünyasının Mədəniyyət Paytaxtı elan edilən Bursada “Bursa 2022 Türk Dünyasının Mədəniyyət Paytaxtı Qala Konserti” keçirilib.
Bu barədə Krım Haber Ajansı məlumat yayıb.
Məlumatda deyilir ki, Bursa həm tarixi-mədəni dəyərləri, həm də xüsusi bayram proqarmı ilə türk cümhuriyyətlərindən gələn qonaqları qəbul edib. Gala-konsert proqramı Atatürk Konqres və Mədəniyyət Mərkəzi Osmangazi Salonunda coşğulu qeyd etmələrlə reallaşdırıldı.
Tədbirdə Bursa Böyükşehir Bələdiyyə başqanı Alinur Aktaş, TÜRKSOY-un baş katibi Düsen Kaseinov, Bursa valisi Yakup Canbolat, xarici missiya nümayəndələri, yerli direktorlar, mətbuat xidməti və vətəndaşlar iştirak edib. Bundan başqa, gecədə Türkiyə, Tuva, Saha, Tatarıstan, Azərbaycan, Qırğızıstan, Özbəkistan, Qazaxıstan və Türkmənistandan olan qruplar səhnəyə çıxıb.
Proqramda çıxış edən A.Aktaş bu günün köklü tarixi, zəngin mədəniyyəti, qeyri-maddi mədəni irsi və tarixi zənginliyi ilə Bursa üçün çox xüsusi və mənalı bir gün olduğuna diqqət çəkib. O, “Köklü tariximizdən və keçmişimizdən aldığımız ilhamla gələcəyə, türk dünyasına qapı açırıq”, – deyib.
Bundan əlavə A.Aktaş Bursanın bənzərsiz təbiəti, bərəkətli torpaqları, çoxşaxəli turizmi və inkişaf etmiş iqtisadiyyatı ilə 2022-ci il Türk Dünyası Mədəniyyət Paytaxtı seçildiyini xatırladıb və yazdığı “Bursam” adlı şeirini oxuyub.
Təşkil olunan qala-konsert proqramında Mehter takımı Mehter marşını ifa edib.
