Bayraqdar.info – Mövsümün ikinci yarısının hazırlığını Türkiyədə davam etdirən “Qarabağ” toplanış çərçivəsində yanvarın 25-də sonuncu yoxlama oyunlarını keçirəcək.
Klubdan bayraqdar.info-ya verilən xəbərdə bildirilir ki, UEFA Konfrans Liqasındakı təmsilçimiz iki matçda gücünü sınayacaq. Ağdam təmsilçisi əvvəlcə Çexiyanın “Bohemians” klubu ilə üz-üzə gələcək. Bu qarşılaşma Bakı vaxtı ilə saat 12:00-da başlayıb.
“Qarabağ”ın qardaş ölkədəki sonuncu rəqibi “Visla” olacaq. Polşa təmsilçisi ilə yarış saat 18:00-da başlayıb.
“Qeyd edək ki, “Qarabağ” bunadək üç oyun keçirib. “Qaz Metan”la (Rumıniya) qolsuz heç-heçə edən Ağdam təmsilçisi “Baçka Topola”ya (Serbiya) 0:1 və “Şlensk”ə (Polşa) 2:3 hesabı ilə uduzub”, – deyə xəbərdə bildirilir.
