Son yeniləmə: 24 Yanvar 2022 01:10
Bayraqdar.info – Azərbaycanla Türkiyə daha bir sahədə əməkdaşlıq edir. Belə ki, Türkiyənin Ailə və Sosial Xidmətlər Nazirliyi tərəfindən himayədar ailə sisteminin və ailə bütövlüyünün qorunması məqsədilə tətbiq edilən Sosial-İqtisadi Dəstək xidmətinin Azərbaycanda da tətbiqi üçün iki ölkənin səlahiyyətli orqanları fəaliyyətə başlayıb.
Anadolu Ajansı Nazirliyə istinadən xəbər verir ki, Azərbaycanın əmək və əhalinin sosial müdafiəsi naziri Sahil Babayev ailə və sosial xidmətlər naziri Derya Yanığa məktub yazıb. Həmin məktubda S.Babayev himayədar ailə modelinin Azərbaycanda da həyata keçirilməsi üçün əməkdaşlıq istəyib.
Bu məktubdan sonra müvafiq addımlar atılıb. İki ölkənin səlahiyyətli orqanlarının keçirdiyi onlayn görüşlərdə iş planı yaradılıb və bu çərçivədə yerində araşdırmalar aparmaq üçün Türkiyəyə səfərlər edilib.
İstanbul və Ankarada himayədar ailələri ziyarət edən Azərbaycan rəsmiləri himayədar ailələr və himayədar ailələrdə böyümüş gənclərlə görüşüb.
Azərbaycan hakimiyyətinə himayədar ailə ilə yanaşı, ailə bütövlüyünün qorunması və uşaqların ailələri ilə birlikdə böyüməsini təmin etmək məqsədilə Ailə və Sosial Xidmətlər Nazirliyi tərəfindən göstərilən Sosial-İqtisadi Dəstək (SED) xidməti haqqında ətraflı məlumat verilib. Azərbaycan təmsilçilıri uşaqlar üçün mütəmadi olaraq SED ödənişləri və xidmətin izlənilməsi barədə də geniş məlumatlandırılıb.
Araşdırmaların nəticələrinə uyğun olaraq 2022-ci il üçün çərçivə planı hazırlanıb. Bu çərçivədə Azərbaycanın Əmək və Əhalinin Sosial Müdafiəsi Nazirliyinin uşaqların müdafiəsi orqanlarına nəzarət 2022-ci ildə Türkiyədə qoruyucu ailə xidməti modelinin və SED xidmət modelinin yaradılması üçün Azərbaycanın Əmək və Sosial Müdafiə Nazirliyinə, uşaqların müdafiəsi orqanlarına nəzarət dəstəyi veriləcək.
Uşaqların müdafiəsi xidmətlərində çox strukturlaşdırılmış sistemin mövcud olduğu Azərbaycanda türkiyəli mütəxəssislər himayədar ailə ilə bağlı yerində araşdırmalar aparacaq. Azərbaycanda himayədar ailə xidmətinin baza strukturu yaradıldıqdan sonra bu sahədə çalışan 60 əməkdaşa Türkiyədə təcrübəli mütəxəssislər tərəfindən qoruyucu ailə xidmətinin həyata keçirilməsi ilə bağlı 10 günlük təlim keçəcək.
Azərbaycanda himayədar ailə xidməti sahəsində istifadə olunacaq əsas sənədlərin yaradılmasına dəstək göstəriləcək, şəxsi heyətin vaxtaşırı distant təhsili təşkil olunacaq.
Tədqiqatlar çərçivəsində bir il ərzində Azərbaycanda çalışan kadrlara məsləhət dəstəyi verilməsi, uşaqların müdafiəsi sahəsində yeni layihələr həyata keçirərək Türkiyə ilə Azərbaycan arasında əməkdaşlığın artırılması hədəflənir.
Bundan əlavə, Azərbaycanda himayədar ailə xidmətinin pilot layihə olaraq həyata keçiriləməy başlanamsı halında 30 iyun 2022-ci il tarixində Türkiyədə keçiriləcək Qoruyucu Ailə Günü tədbirlərinə Azərbaycandan bir himayədar ailənin dəvət ediləcəyi də nəzərdə tutulur.
