Son yeniləmə: 24 Yanvar 2022 15:12
Bayraqdar.info – AMEA-nın Milli Azərbaycan Tarixi Muzeyinin Arxeologiya elmi fondunda 50 mindən çox maddi mədəniyyət nümunəsi qorunur.
Bu barədə bayraqdar.info-ya Muzeyin Arxeologiya elmi fond şöbəsinin müdiri dosent Nasir Quluzadə məlumat verib.
N.Quluzadə qeyd edib ki, Fondun əsas fəaliyyət istiqamətlərini Azərbaycan tarixinin, arxeoloji və mədəni irsinin öyrənilməsi, bu irsə aid maddi mədəniyyət nümunələrinin mövcud tələblər çərçivəsində qorunması təşkil edir.
“Muzeydə qorunan maddi mədəniyyət nümunələrinin çox hissəsi Mingəçevir, Naxçıvan, Qarabağ, Qazax, Beyləqan, Abşeron, Gəncə və digər bölgələrdə aparılmış arxeoloji qazıntılar zamanı tapılıb. Müxtəlif əsrlərə aid olan arxeoloji materialların müəyyən hissəsi əcdadlarımızın dini-fəlsəfi dünyagörüşlərini, mədəni-ticarət əlaqələrini və s. əks etdirir”, – deyə N.Quluzadə bidlirib.
