Son yeniləmə: 21 Yanvar 2022 12:43
Bayraqdar.info – Tələbələrin “Qış düşərgəsi”nə (Winter bootcamp) qeydiyyat prosesi davam edir.
Bu barədə bayraqdar.info-ya yanvarın 21-də Təhsil Nazirliyindən bildirilib.
Məlumatda qeyd edilir ki, düşərgədə iştirak etmək istəyən tələbələr 24 yanvar 2022-ci il tarixinədək https://anket.edu.az/link/174 linki vasitəsilə qeydiyyatdan keçməlidir. Həmçinin tələbələr ali riyaziyyat üzrə baza biliklərin (“Riyazi analiz”, “Cəbr və ədədlər nəzəriyyəsi” fənləri üzrə) yoxlanılması məqsədilə təşkil olunacaq test imtahanında uğur qazanmalıdırlar.
Məlumat üçün bildirək ki, düşərgədə ali təhsil müəssisələrinin riyaziyyat və texniki ixtisaslarında bakalavriat səviyyəsi üzrə təhsil alan III və IV kurs tələbələri, həmçinin magistratura səviyyəsi üzrə təhsil alanlar iştirak edə bilərlər.
Düşərgə Təhsil İnstitutunun təşkilatçılığı ilə 5-13 fevral 2022-ci il tarixlərində Quba rayonunda təşkil ediləcək.
