Son yeniləmə: 21 Yanvar 2022 18:28
Bayraqdar.info – Ümumtəhsil məktəblərinin 6-ci sinfi üçün “Coğrafiya” dərsliyi çapdan çıxıb.
Bu barədə yanvarın 21-də AMEA akademik. H.Əliyev adına Coğrafiya İnstitutunun Beynəlxalq və İctimaiyyətlə əlaqələr şöbəsindən məlumat verilib.
Bildirilib ki, kitab İnstitutun baş direktoru, coğrafiya elmləri doktoru Zakir Eminov, şöbə müdiri, dosent Zaur İmrani və başqalarının həmmüəllifliyi ilə işıq üzü görüb.
Dərslik 10 hissədən ibarətdir: “Kitab coğrafi biliklərin inkişaf tarixi, Yer səthinin təsviri, coğrafiya xəritələri, günəş sisteminin quruluşu və Yer planeti, litosfer, atmosfer, biosfer, hidrosfer, dünya ölkələri və xalqların yerləşməsi və təsərrüfat sahələrinin fəaliyyəti, təbiətin qorunması kimi bölmələri əhatə edir”.
