Son yeniləmə: 18 Yanvar 2022 14:41
Bayraqdar.info – Polşada yaşayan soydaşlarımızın azyaşlı övladları üçün Varşava Azərbaycan Evinin nəzdində kurslar təşkil olunub.
Bu barədə bayraqdar.info-ya yanvarın 18-də Diasporla İş üzrə Dövlət Komitəsindən məlumat verilib.
Bildirilib ki, Polşa Azərbaycanlıları Şurasının təşkilatçılığı ilə yanvarın 15-dən fəaliyyətə başlayan kurslarda Azərbaycan və ingilis dilləri tədris olunur. Dərslərin hər həftənin şənbə günü 1 saat ərzində keçirilməsi nəzərdə tutulub.
Uşaqlara dilləri Polşanın uşaq bağçalarından birinin ingilis dili müəllimi olan həmyerlimiz Esmira Şıxməmmədova öyrədir.
Kurslar ödənişsiz əsaslarla fəaliyyət göstərir. Yanvarın 15-də baş tutan ilk dərs kiçik soydaşlarımızda böyük maraq doğurub.
